สงฺฆาทิเสส สิกฺขาปุจฺฉา

1. สุกฺกวิสฺสฏฺฐิสงฺฆาทิเสส สิกฺขาปุจฺฉา

ปุจฺฉา – ยํ เตน อาวุโส ภควตา ชานตา ปสฺสตา อรหตา สมฺมาสมฺพุทฺเธน อุปกฺกมิตฺวา อสุจิํ โมเจนฺตสฺส สงฺฆาทิเสโส กตฺถ ปญฺญตฺโตฯ

วิสฺสชฺชนา – สาวตฺถิยํ ภนฺเต ปญฺญตฺโตฯ

ปุจฺฉา – กํ อาวุโส อารพฺภ ปญฺญตฺโตฯ

วิสฺสชฺชนา – อายสฺมนฺตํ ภนฺเต เสยฺยสกํ อารพฺภ ปญฺญตฺโตฯ

ปุจฺฉา – กิสฺมิํ อาวุโส วตฺถุสฺมิํ ปญฺญตฺโตฯ

วิสฺสชฺชนา – อายสฺมา ภนฺเต เสยฺยสโก หตฺเถน อุปกฺกมิตฺวา อสุจิํ โมเจสิ, ตสฺมิํ ภนฺเต วตฺถุสฺมิํ ปญฺญตฺโตฯ